Хүүхэд хайрыг юу гэж боддог вэ?

Судлаачид 4-6 настай хүүхдүүдийн дунд судалгаа явуулжээ. "Хайр гэж юу вэ?" гэсэн асуултанд хүүхдүүд хэний ч санаанд оромгүй, тэдний төсөөлж байснаас хэд дахин илүү гүн гүнзгий утгыг агуулсан хариулт өгч байлаа. Та ч гэсэн "Хайр гэж юу вэ?" гэж өөртөө асуулт тавиад хариулаад үзээрэй. Ихэнхдээ томчууд энэ асуултанд хариулахдаа бодож, эргэлздэг бол харин хүүхдүүд эргэлзэх зүйлгүйгээр их оновчтой, гүн гүнзгий хариулдаг байна. Яагаад? Эндээс та хүүхэд үнэхээр ариун, гэгээн бас хичнээн ухаантай, мэдрэмжтэй, зүрх сэтгэлтэй болохыг ойлгож болно.

 
Марк, 6 настай:"Хайр гэдэг бол ээж аавыг нойлд сууж байхыг хараад муухай байна гэж бодохгүй байхыг хэлдэг. "

Ноелле, 7 настай:"Хэн нэг эрэгтэйд цамц нь таалаглаж байна гэж хэлэхэд тэр өдөр болгон тэр   цамцаа өмсөхийг хайр гэнэ. "

Томми. 6 настай:"Хайр гэдэг бол эмээ өвөө нар бие биенийгээ маш сайн мэддэг мөртлөө найз   байгаад л байхыг хэлнэ. "

Синди, 8 настай:"Төгөлдөр хуурын тоглолтын үед би тайзан дээр маш айсан байсан. Тэгээд хүмүүсрүү харсан чинь манай аав ганцаархнаа надруу даллаад инээж байсан. Би тэгсэн айхаа больчихсон. Энэ хайр байх. "

Ребекка, 8 настай:"Манай эмээ үе мөчний өвчнөөсөө болоод өөрийнхөө хөлний хумсыг авч   чадахаа больсон учраас манай өвөө үргэлж авч өгдөг болсон. Манай өвөө өөрөө бас үе мөчний өвчтэй. Энийг хайр гэнэ.  "

Билли, 4 настай:"Хэрвээ хэн нэгэн чамд хайртай бол тэр чиний нэрийг өөрөөр дууддаг. Чиний нэр түүний аман дотор аюулгүй байгаа гэдгийг чи мэддэг.  "

Карл, 5 настай:"Эмэгтэй хүн үнэртэй ус түрхээд, эрэгтэй нь сахлын ус түрхэж уулзаад бие          биенийхээ үнэрийг үнэртэхийг хайр гэнэ. "

Крисси, 6 настай:"Хайр гэдэг бол чи гадуур хооллож байхдаа шарсан төмснийхөө ихэнхийг нь   хэн нэгэнд өгөөд өөрөө авахгүй байхыг хэлнэ. "

Тэрри, 4 настай:"Чамайг ядарсан үед инээлгэлэг зүйлийг хайр гэнэ."

Данни, 7 настай:"Хайр гэдэг бол манай ээж кофе бэлдээд аавд өгөхийн өмнө амт нь зүгээр эсэхийг шалгаж амсахыг хэлнэ."

Эмили, 8 настай:"Хайр гэдэг бол чи байнга үнсэхийг хэлдэг. Чи үнссээр байгаад ядарчих юм бол, хамт байж илүү ихийг ярихыг хүсдэг. Миний ээж аав 2 яг тэгдэг."

Бобби, 7 настай:"Зул сарын баяраар хэрвээ чи бэлгээ задлахаа болиод сонсох үед чамтай ярьж байдаг зүйл бол хайр юм."

Никка, 6 настай:"Хэрвээ чи илүү хайрлаж сурахыг хүсвэл, дургүй найзаасаа эхлэх хэрэгтэй. "

Клейр, 6 настай:"Миний ээж намайг хэнээс ч илүү хайрладаг. Ээжээс өөр хэн ч  шөнө унтаж байхад чамайг үнсэхгүй шүү дээ. "

Елайнэ, 5 настай:"Ээж аавд тахианы махны хамгийн гоё хэсгийг нь өгөхийг хайр гэнэ."

Крис, 7 настай:"Ээж аавыг муухай үнэртэй, хөлстэй болчихсон байхад нь хүртэл түүнийг Роберт Рэдфордоос илүү сайхан залуу гэж хэлдгийг хайр гэнэ. "

Мари Анн, 4 настай:"Хайр гэдэг бол бүтэн өдөр ганцааранг нь орхисон ч гэсэн миний нүүрийг долоохыг хэлнэ."

Лаурен, 4 настай:"Манай эгч надад бүх хуучин хувцасаа өгөөд өөрөө шинийг худалдаж авахаас өөр аргагүй болдог. Тэндээс надад хайртайг нь би мэддэг. "

Карен, 7 настай:"Хэрвээ чи хэн нэгэнд хайртай бол, чиний сормуус дээш доошоо дэрвээд, нүднээс чинь од бутардаг."

Жессика, 7 настай:"Хэрвээ чи чин сэтгэлээсээ л хэлэхгүй бол "Би чамд хайртай" гэж хэлж болохгүй. Хэрвээ үнэхээр хэлж байгаа бол олон дахин хэлэх хэрэгтэй. Яагаад гэвэл хүмүүс амархан мартдаг."