Та сайн хань мөн үү?

Сайн нөхөр

·         Эхнэртэйгээ хэзээ ч маргалддаггүй. Эмэгтэй хүнийг маргаанд ялж гарах аргагүй. Эцсийн үг ямар байсан ч эхнэр чинь л хэлэг.

·         Эхнэрээсээ юугаа ч харамладаггүй. Түүний гуйлтыг үргэлж биелүүлж байхыг хичээ. Өгсний хэмжээгээр авдаг гэсэн зарчмыг сана.

·         Өдөрт ядаж нэг, хоёр удаа ч болов эхнэрээ заавал магтдаг.

·         “Хайртай” гэж хэлэхээс ичдэггүй. Түүнд хайртай гэдгээ хэлэх тусам эхнэр чинь таныг улам их хайрлах болно.

·         Эхнэрийнхээ яриаг тасалдаггүй. Түүний ярьж байгаа зүйл танд ямар ч утгагүй, өчүүхэн байсан ч яриаг нь таслалгүй, анхааралтай сонс.

·         Эхнэрийнхээ дэргэд өөр эмэгтэйг магтдаггүй. Ер нь эхнэрээ өөр эмэгтэйтэй харьцуулах хэрэггүй.

·         Зав гарвал “Би хоолоо хийчих үү, би аягаа угаачих уу? ” гэж асуудаг. Тэр таныг зараад байхгүй л байх, гэхдээ түүнд таны анхаарал халамж сайхан санагдана.

·         Гэр бүлийнхэнтэйгээ хооллохдоо ном сонин уншдаггүй.

·         Үдэшлэг дээр эхний бүжгийг эхнэртээ зориулдаг.

·         Түүний хажууд өөр хүүхнүүдтэй сээтэгнэдэггүй.

·         “Би л ажил хийж мөнгө олж байгаа учир би мэднэ” гэх маягаар харьцдаггүй.

·         Амралтын өдөр, оройн цагаар гадагш гарахдаа хаашаа явах,хэзээ ирэхээ эхнэртээ заавал хэлдэг.

Сайн эхнэр

·       “Би чамаас өөр хүнтэй суучихаж болох л байсан ” гэж хэзээ ч хэлдэггүй.

·       Нөхрийнхөө элдэв жижиг дутагдал, сул талыг шүүмжилдэггүй.

·       Жижиг зүйл дээр нөхөртөө буулт хийдэг. Ингэвэл та том зүйл дээр хожих болно.

·       Нөхөртөө үргэлж үнэнийг хэлдэг. Гэхдээ бүх үнэнийг биш, түүний мэдэхэд хангалттай үнэнийг л хэл.

·       Нөхрийнхөө идэвхи санаачлагыг үргэлж анзаарч, магтдаг. Танаас магтаалын үг сонсох тусам тэр үгэнд чинь улам тохирох, үнэхээр хүчтэй эр болохыг хичээх болно.

·       Нөхрийнхөө дуртай хоолыг үргэлж хийж өгдөг.

·       Олон нийтийн дунд нөхрийнхөө яриаг тасалдаггүй.

·       Найз нартаа онигоо ярьж байхад нь “Дандаа л үүнийг ярих юм, наадахыг чинь бүгд мэднэ” гэх мэтээр олны өмнө доош нь хийдэггүй.

·       Хүүхдүүдийн дэргэд нөхрөө шоолж, муулдаггүй.

·         Ээжийг нь ганц үгээр ч шүүмжилдэггүй.

·         Алхам бүрийг нь хянаж мөрддөггүй.

·         Хоёр дахь удаа нөхөрт гарсан бол түүний дэргэд урьдах нөхрөө магтдаггүй.